Shpëtim Idrizi në Lushnje: Shqipëria sovrane, nuk mund t’i imponohet marrëveshje

Shpetim Idrizi
Partia për Drejtësi, Integrim dhe Unitet çeli mbrëmjen e sotme turin zgjedhor në Lushnje. Kryetari i PDIU, Shpëtim Idrizi gjatë fjalës së tij hapëse iu përgjigj deklaratave të ministrit të jashtëm grek në lidhje me çështjen çame. “Shqipëria është sovrane. Askush nuk mund t’i imponojë marrëveshje. Çamët ekzistojnë dhe do të kthehen në Camëri”, ka theksuar kreu i PDIU. Ndërkohë nën moton ‘Ne duam Shqipërinë’, Idrizi shpalosi programin e kësaj partie për zgjedhjet elektorale të 8 majit në nga qyteti i Lushnjes. Sipas Idrizit, Partia për Drejtësi, Integrim dhe Unitet do të sjellë një frymë të re në pushtetin lokal. Partia për Drejtësi, Integrim dhe Unitet çeli javën e kaluar fushatën elektorale për zgjedhjet e 8 Majit. Në fjalën e tij gjatë hapjes së fushatës, Idrizi deklaroi se nuk do të harrohet çështja çame. Sipas tij, një ditë çamët do realizojnë amanetin e të parëve, do kthehen në Çamëri. “Do realizojmë amanetin e të parëve, ne do kthehemi në Çamëri. Ata na e kanë treguar sa e bukur është Çamëria jonë. Ne djemtë dhe bijat e Çamërisë deklarojmë sot nëna jonë Çamëri i ke djemtë në Shqipëri. Ne do të fitojmë të drejtat tona dhe do të kthehemi në Çamëri. Ne e kthyem partinë në parti të çështjes kombëtare, e shndërruam atë në parti të gjithë shqiptarëve. Ata që nuk besonin nuk na njihnin, nuk e dinin që këtij kombi nuk i kanë vdekur burrat”, tha më tej Idrizi.